10
7
8
9




Экскурсия по школе
Блог директора

<< < Қаңтар 2017 > >>
Дс Сс Ср Бс Жм Сб Жс
            1
2 3 4 5 6 7 8
9 11 12 13 14 15
16 17 18 19 20 21 22
23 24 25 26 27 28 29
30 31          

Оқушы ұйымы

Жас Ұлан Жасөспірімдер мен балалар ұйымы

 

Мектепшілік парламенттің президенті

 

Қанат Ерболат Жомартұлы

 

Аты-жөні: Қанат Ерболат

 

 

Сынып: 10 «А»

 

 

Туған жылы: 16.07.2000

 

 

Сүйікті пәні: физика, математика, тарих

 

 

Спорт: волейбол, футбол

 

 

Хобби: ән айту

 

Жетістіктер: волейбол ойындарында жүлделі орындар

 

Өмірлік ұстанымым: Маған көрсетші, мен көремін. Маған үйретші, мен үйренемін! Маған айтшы, мен тындаймын, Маған сенші, мен сенімінді ақтаймын!

 

 

 

 

РЕСПУБЛИКАЛЫҚ БІРЫҢҒАЙ "ЖАС ҰЛАН" БАЛАЛАР МЕН ЖАСӨСПІРІМДЕР ҰЙЫМЫ

 

"ЖАС ҰЛАН" ҰЙЫМЫ - Республикалық бірыңғай "Жас Ұлан" балалар және жасөспірімдер ұйымы Елбасы Н.Ә.Назарбаевтың бастамасы бойынша құрылған. Бұл ұйым қоғамдық ұйым болып табылады. "Нұр Отан" ХДП XIII съезінде Елбасы Н.Ә.Назарбаев Қазақстанның жас азаматтарының басын біріктіретін "Жас Ұлан" бірыңғай балалар ұйымының жаңа жүйесін құру керектігін атап өткен болатын. Тәуелсіздіктің жылдығына орай 2011 ж. 6 шілдеде "Елорда күніне" орай "Бірыңғай "Жас Ұлан" балалар мен жасөспірімдер ұйымы" республикалық қоғамдық бірлестік құрылды. 26 тамыз күні "Жас Ұлан" ұйымының құрылтайы өтті. Ұйымның Кеңес мүшелері, жұмыс жоспары қабылданды, ресми нышандары бекітілді. 2011 ж. 1-қыркүйекте Астана қаласы №66 мектепте Елбасы Н.Ә.Назарбаев " Жас Ұлан" балалар мен жасөспірімдер ұйымының алғашқы мүшелерін салтанатты түрде қабылдады.

"ЖАС ҰЛАН" - өскелең ұрпақты жоғары рухани - адамгершілік құндылықтар, демократиялық ұстанымдарға негізделген қазақстандық патриотизм рухында қалыптасқан ұйым. "Жас Ұлан" өз қызметінде ҚР-ның Конституциясын,заңнамасы және де басқа нормативтік құқықтық актілерін, ҚР-да ратификацияланған халықаралық актілерді басшылыққа алады.

"ЖАС ҰЛАН" ҰЙЫМЫНЫҢ РӘМІЗДЕРІ: ту, галстуг, төсбелгі, эмблема

ҰЙЫМҒА ҚАБЫЛДАУ ЖЫЛЫНА 3 РЕТ: 1 - мамыр - Қазақстан халқының бірлігі күні, 6-шілде - "Жас ұлан" құрылған күні, 16- желтоқсан - Тәуелсіздік күні.

ЖҮЗЕГЕ АСЫРУШЫЛАРЫ: 6-9 жас – «Жас Қыран», 10-16 жас – «Жас Ұлан», мектеп басшылығы, ұйым жетекшісі, класс жетекшілер, ата - аналар.

"ЖАС ҰЛАН" ҰЙЫМЫНЫҢ БАҒЫТТАРЫ: Парасат, Таным, Ұлт рухы, Тал бесік, Жігер, Жеті Жарғы, Еңбек.

БАСҚАРУ ҚҰРЫЛЫМЫ: Ұйым жетекшісі - Мектеп Ұланбасы - Топ Ұланбасы - Топ қыранбасы - Класс Ұланбасы - Класс Қыранбасы - бөлімдер бойынша жауаптылар.

ҰЙЫМ ЖҰМЫСЫНАН КҮТІЛЕТІН НӘТИЖЕ: Қоғамдағы өзгеріске бейімделген, әлеуметтік жеке тұлғаны қалыптастыру, қоғамдағы бірлестіктің ғылыми - әдістемелік қызметін жандандыру. Тәрбиелік - оқыту бағдарламасын тиянақты өткізу, ұйым жұмыстарын БАҚ арқылы кеңінен насихаттау.

 

РЕСПУБЛИКАЛЫҚ БІРЫҢҒАЙ "ЖАС ҰЛАН" БАЛАЛАР МЕН ЖАСӨСПІРІМДЕР ҰЙЫМЫНЫҢ ЖҰМЫСЫ ТУРАЛЫ ЕРЕЖЕ

 

1. ЖАЛПЫ ЕРЕЖЕЛЕР

1.1. "Бірыңғай "Жас Ұлан" балалар мен жасөспірімдер ұйымы" Республикалық қоғамдық бірлестігі (бұдан әрі- "Жас Ұлан") Елбасы Н.Ә. Назарбаевтың бастамасы бойынша құрылған Қазақстан Респуликасы балалар мен жасөспірімдердің қоғамдық ұйымы болып табылады.

1.2. "Жас Ұлан"- өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым.

1.3. "Жас Ұлан" өзінің қызметін шығармашылық, спорттық, қоғамдық, үкіметтік емес ұйымдармен және мемлекеттік мекемелермен бірлесе жүзеге асырады.

1.4. "Жас Ұлан" өз қызметінде Қазақстан Республикасының Конституциясы, заңнамасы және басқа да нормативтік құқықтық актілерін, Қазақстан Республикасында ратификацияланған халықаралық актілерді басшылыққа алады.

2. МАҚСАТЫ МЕН МІНДЕТТЕРІ

2.1. "Жас Ұланның" мақсаты:

- өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру.

 

2.2. "Жас Ұланның" міндеттері:

- Қазақстан халқының тілін, мәдениетін, тарихын білу негізінде өскелең жас ұрпақтың бойында рухани

-адамгершілік әлеуметтік қалыптастыру.

- балалар мен жасөспірімдердің азаматтық белсенділігі мен саналылығын арттыру;

- танымдық жұмыстарды ынталандыру;

- балалар мен жасөспірімдердің зияткерлік, шығармашылық және әлеуметтік дамуы үшін қолайлы жағдай жасау;

- жауапкершілік пен еңбек сүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.

3. ҚЫЗМЕТТЕР МЕН ҚАҒИДАЛАР

3.1. "Жас Ұлан" келесі қызметтерді атқарады:

- тәрбиелік;

- танымдық;

- коммуникативтік;

- әлеуметтік;

- ақпараттық;

- шығармашылық;

3.2. "Жас Ұлан" қызметінің қағидалары:

- азаматтық сана -сезім және жалпы адами құндылықтардың басымдылығы;

- еріктік және қолжетімділік;

- ұрпақтар сабақтастығы мен "ЖасҰлан" ұйымының дәстүрлерін сақтау;

- ұйымының негізгі мақсаты мен міндетін жүзеге асырудағы ересекетер мен балалардың бірлігі;

- қызметтің патриоттық, толеранттық, рухани -адамгершілік бағыты.

4. МҮШЕЛІК, ОҒАН ҚАБЫЛДАУ ЖӘНЕ ШЫҒУ ТӘРТІБІ

4.1. "Жас Ұлан" ұйымында мүше болудың екі деңгелі жүйесі бар. "Жас Ұланның" жоғары буынына 5-10 сынып, ал "Жас Қыран" төменгі буынына -1-4 сынып оқушылары, сонымен қатар "Жас Ұланға" өз үлесін қосуға және оның мүшесі болуға ерікті түрде ниет білдірген балалар мен жасөспірімдер қабылданады.

4.2. Мүшелерді ұйымға қабылдауды "Жас Ұлан" бастауыш ұйымы жүргізеді. Ұйымға қабылдау жылына 3 рет өткізіледі: 1 мамыр- Қазақстан халқының бірлігі күні, 6 шілде- "Жас Ұлан" құрылған күні, 16 желтоқсан -Тәуелсіздік күні.

4.3. "Жас Ұланнан" ерікті түрде шығу үшін "Жас Ұлан" бастауыш ұйымының жетекшісіне жазбаша өтініш береді.

4.4. "Жас Ұлан" Ережесін бұзған ұйым мүшелеріне келесідей шаралар қолданылады: ұйымның жалпы жиналысында талқылау, ескертулер жасау, сөгіс жариялау, ұйымынан шығару туралы ескерту жасау. Ең қатаң шара - ұйымнан шығару.

4.5. Ұйымнан шығару мәселесі бастапқы ұйымның жалпы жиналысында қаралады. Шығару туралы шешім Мектеп комитеті мүшелерінің кемінде 2/3 дауыс берген жағдайда ғана қабылданады және бекітілгеннен кейін күшіне енеді.

 

Республикалық бірыңғай «Жас Ұлан» балалар мен жасөспірімдер ұйымы мүшелерінің АНТЫ

Мен, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

- Өз Отаным – Қазақстан Республикасының патриоты болуға;

- Мемлекеттік рәміздерді құрметтеуге, дәріптеуге;

- Туған елім, жерім, Отанымды мақтаныш етуге;

- Ата-анамды қадірлеуге; - Үлкенге құрмет, кішіге ізет көрсетуге;

- Білімге табандылықпен ұмтылуға;

- Салауатты өмір салтын ұстануға;

- Табиғатты аялауға;

- «Жас Ұлан» Ережесін бұлжытпай сақтауға және оны өз достарымнан талап етуге ант етемін.

Біздің жерлестеріміздің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде

АНТ ЕТЕМІН, АНТ ЕТЕМІН, АНТ ЕТЕМІН!

Сайт бойынша іздеу

Сайтқа кіру

Сайт статистикасы

Бүгін9
Кеше8
Апта9
Ай248
Барлық күндері6729

 

 

Температура параметрі

winter